Ozil, 3 muaj jashtë

Playmakeri i Arsenalit, Mesut Ozil, do të mungojë për tre muaj për shkak të lëndimit të gjurit. 

Mesfushori 25 vjeçar i Arsenalit nuk do të jetë në dispozicion të Arsene Wengerit në muajt vijues dhe tashmë telashet me lëndime për kreun françez të ekipit të Topçinjëve - vetëm po shtohen. 

Olivier Giroud, Mathieu Debuchy, Mikel Arteta, Aaron Ramsey dhe Theo Walcott - janë futbollistët tjerë të lënduar të Arsenalit dhe ndeshjet pa Ozilin do të jenë edhe më problematike për ekipin. 

Ozil do të mungojë sigurisht edhe në derbi ndaj Manchester Unitedit në nëntor, parashikojnë mediat angleze, por për më tepër ai do të mund të mungojë edhe ndaj Liverpoolit në dhjetor. 

Arsenal, xhiron që shkoi ka pësuar humbjen e parë të stinorit në Premier League nga Chelsea.