Cristiano ngrit Juven në pozitën e tretë
22 February, 2021 @22:42
Pas humbjeve ndaj Napolit dhe Portos, të njëpasnjëshme, Zonja e Vjetër nga Torinoja ishte në presion për të nxjerrë rezultat.
E falë Cristiano Ronaldos dhe kundërshtarit të sontëm, Crotone, gjithçka kaloi lehtë për bianconerët, derisa kapërcyen në tabelë 3 pozita, për të ardhur në të tretin vend - dhe tash për t’i qëndruar në “qafë” dyshes milaneze, Inter dhe Milan.
Juventus dominoi ndeshjen, derisa Cristiano Ronaldo s’fali kundërshtarin për të shënuar dy herë në fund të pjesës së parë, me mundësi të mirë edhe për hat-trick.
E në pjesë të dytë Weston McKennie komletoi rezultatin përfundimtar të ndeshjes dhe ktheu Andrea Pirlon te fitoret, për 3-0 [Cristiano Ronaldo 38, 45, McKennie 66].
Derisa tash Juve qëndron në 45 pikë, me 4 më pak se Milan i dyti dhe 8 më pak se Inter i pari, Cristiano Ronaldo në anën tjetër del në krye të listës së golashënuesve të Serie A-së, duke lënë pas Romelu Lukakun. Cristiano ka tash 18, Lukaku mbetet te 17 golat e tij.
