Cristiano Ronaldo, njeri i detyrës

Dueli ndërmjet kombëtareve të dy superyjeve të futbollit botëror, Zlatan Ibrahimovic dhe Cristiano Ronaldo, i takoi këtij të fundit. 

Cristiano Ronaldo me hat-trickun e mbrëmshëm në Solna të Suedisë ia siguroi kombëtares së tij udhëtimin te kolonia e tyre e dikurshme, Brazili. 

Zlatan Ibrahimovic, në anën tjetër përkundër se u dha shpresa suedezëve pas dy golave dhe rezultatit 2-1, ishte Ronaldo që shumë shpejtë përmbysi gjithçka në 2-3, përkundër epërsisë nga ndeshja e parë 1-0 në të mirë të Portugalisë.

“E kreva punën time. Gjithmonë mundohem të bëj më të mirën për vendin dhe ekipin tim - ky është qëllimi im. Nuk ka qenë prioritet për mua thyerja e rekordit të golave nga Pedro Pauleta. Unë e di se Portugalisë i jam dashur unë dhe unë kreva detyrën, tash pushojmë pak, vazhdojmë me klubet tona derisa t’ia nisim të mendojmë për pjesën finale të Kampionatit Botëror,” ka thënë Cristiano Ronaldo pas ndeshjes, transmetojnë mediat portugeze sot. 

“Pse humbëm? Të jem i sinqertë, ata ishin më të mirë se ne. Ne duhet të mbetemi krenar me këtë ekip, nuk do të mund të arrinim diçka më shumë sot. Natyrisht, ne tani mund të flasim për gabimet, por ato ndodhin. Ata na dënuan pas çdo gabimi të bërë,” tha në anën tjetër Zlatan Ibrahimovic, dukshëm i dëshpëruar pas ndeshjes dhe shuarjes së ëndrrës për Botëror. 

Cristiano Ronaldo në dy ndeshjet e barazhit shënoi të gjitha golat për Portugalinë, ashtu sikurse edhe Zlatan Ibrahimovic për Suedinë. 

Mëposhtë shikoni statistikat e dy superyjeve në ndeshjen e mbrëmshme. 

STATISTIKAT E SUPERYJEVE: