CSKA, me kurorë të dyfishtë

Seydou Doumbia i CSKA Moskës ka shënuar penalltinë e fundit duke i siguruar kurorën e dyfishtë ekipit moskovit për herë të parë pas shtatë vitesh. 

CSKA e udhëhequr nga Leonid Slutsky javë më parë u shpall kampion i Rusisë, ndërsa morri epërsinë në fillim të ndeshjes me Ahmed Musën, derisa Anzhi barazoi përmes një ‘torpedoje’ të Lassana Diarras nga 25 metra. 

Pasi që portierët e dy skuadrave bën mbrojtje të mirë gjatë vazhdimeve, fituesi i Kupës është dashur të përcaktohet pas penalltive në Grozni, kryeqytetin e regjionit të Çeçenisë në Rusi. 

Anzhi, që menaxhohet nga Guus Hiddink, ishte në kërkim të trofeut të parë të madh, mirëpo ata dështuan në dy penallti, kur shuti i Yuri Zhirkov u mbrojt nga portieri i CSKA-së, ndërsa Juciel da Silva gjuajti jashtë. Te CSKA-ja vetëm golashënuesi Ahmed Musa dështoi nga penalltia. 

KUPA RUSE - FINALJA