MATHIEU DEBUCHY
Debuchy kthehet në Ligue 1
31 January, 2018 @8:58
Pas viteve të kaluara në Premier Ligë, ku assesi nuk gjeti veten, mbrojtësi francez, Mathieu Debuchy, i kthehet Ligue 1 të Francës.
L’Equipe ka raportuar se Debuchy do të bëhet lojtar i ri i St Etienne‘it, ashtu që në muajt e radhës t’i hyjë në sy trajnerit të kombëtares, Didier Deschamps dhe të sigurojë një vend në 23-shen e trekolorëve për në Rusi.
Debuchy‘s i përfundon kontrata me Arsenalin këtë verë.
Në fakt, Debuchy ka shkëlqyer me Newcastle‘in ku kishte kaluar nga Lille. Mirëpo, prej se kaloi në radhët e Arsenalit, ai asnjëherë nuk arriti të bëhet standard në mbrojtjen e ekipit nga Emirates.
