SHQIP NË BOTË
Demhasaj kthehet në elitën zvicerane me gol
20 May, 2021 @22:39
Shkëlqim Demhasaj dhe Ermir Lenjani janë shpallur kampionë në kategorinë e dytë zvicerane me skuadrën e tyre, Grasshopper, dhe kanë siguruar rikthimin në elitën e futbollit zviceran për stinorin e ardhshëm.
Grasshopperi i Demhasajt dhe Lenjanit këtë e arriti me fitoren në xhiron e fundit ndaj skuadrës Kriens me rezultat 2-1.
Pikërisht Demhasaj ishte ai i cili shënoi golin e parë të ndeshjes (min 13’) dhe luajti rol të rëndësishëm në fitoren e skuadrës së tij, derisa Lenjani kontribuoi duke luajtur për 90 minuta në ndeshje.
Te skuadra Kriens në këtë ndeshje u paraqitën si titullarë Izer Aliu, Liridon Berisha dhe Mark Merlaku, ndërsa Liridon Mulaj u inkuadrua si zëvendësues.
Për Demhasajn ky është goli i tij i dhjetë në kampionat për këtë stinor.
@gc_zuerich
— Swiss Football League (@News_SFL) May 20, 2021
Der Rekordmeister ist zurück in der Super League!
–
Le recordman des titres est de retour en Super League!
⠀#SFL #superleague #gc #zürich #welcomeback pic.twitter.com/2CeINqxUrh
