OLYMPIQUE MARSEILLE - MONACO
Fotot: Ligue1/fb
Derbi me debutues, pa fitues
13 January, 2019 @23:23
Përforcimi i madh i Monacos në afatin kalimtar dimëror, Cesc Fabregas, debutoi në Velodrome në përballjen që Olympique Marseille dhe Monaco barazuan 1-1.
Marseille i Rudi Garcias nuk di për fitore që nga 25 nëntori i vitit të kaluar në të gjitha garat, ndërsa Monaco edhe pse është e parafundit në klasifikim, duket se është pak më e kthyer në formë.
Por, pika e fituar më shumë i konvenon Monacos së Thierry Henrysë që tash ka dy ndeshje si vendas për tu këndellur tërësisht dhe mundësi për të dalë nga zona e rrezikshme e Ligue 1.
Përveç spanjollit Fabregas, te Monacoja debutoi edhe përforcimi brazilian, Naldo, derisa të dy golat e ndeshjes u shënuan në pjesë të parë nga Maxime Lopez për vendasit dhe Youri Tielemans për mysafirët.
