RYAN BABEL
Babel i kthehet Premier Ligës
13 January, 2019 @12:09
Pas 9 vitesh, futbollisti holandez Ryan Babel i kthehet Premier Ligës. Besiktas ka bërë të ditur se ka liruar 32 vjeçarin në drejtim të Londrës, për 2 milionë euro dëmshpërblim.
Ai do të jetë anëtar i ri i Fulhamit që drejtohet nga Claudio Ranieri. Kontrata e Babelit me Besiktasin mbaronte në qershor 2019 dhe shitja e tij ishte opcioni më i mirë për ekipin turk në aspektin financiar.
Babel kishte ardhur te Besiktas nga La Coruna si lojtar i lirë në janar të vitit 2017. Babel në Premier Ligë ka qenë lojtar i Liverpoolit prej korrikut të vitit 2007, kur kaloi në Anfield Road nga Ajaxi për 17.3 milionë euro, për tu shitur më pas në Hoffenheim për 7 milionë euro, në janar të vitit 2011.
