COPPA ITALIA 1/8: SAMPDORIA-MILAN
Super Cutrone në vazhdime, për çerekfinale
12 January, 2019 @20:56
Lucas Paqueta debutoi për Milanin në kuadër të së tetës së finales së Kupës së Italisë, por rossonerëve iu desh ndihma e Patrick Cutrones senzacional, që me dy gola vollej ia siguroi ekipit të tij çerekfinalen.
Paqueta luajti 85 minuta, duke regjistruar një tentim të mirë drejt portës kundërshtare. Ai u zëvendësua nga Fabio Borini.
Cutrone u fut në lojë menjëherë posa filluan vazhdimet, pasi që ndeshja në kohë të rregullt përfundoi pa gola, 0-0, përkundër se ekipet kishin raste për të shënuar.
Milan në çerekfinale do të luajë me fituesin e duelit Napoli-Sassuolo.
Fitorja i jep shpresë Milanit për një ndeshje të mirë edhe ndaj Juventusit, pas katër ditëve, kur ekipi në Dubai luan për Superkupën e Italisë.
