PRISHTINA - FERONIKELI
Derbi pa fitues, diferenca s’ndryshon
6 March, 2019 @19:02
Në ndeshjen mbyllëse të xhiros XXI, në derbin ndërmjet Prishtinës dhe Feronikelit, nuk doli fitues. Ndeshja përfundoi me rezultat të barabartë 1-1.
Në minutën e 17’, pas një harkimi të mirë nga Armend Thaqi, Leotrim Bekteshi shënoi me kokë golin e epërsisë për Prishtinën.
Gjërat për Prishtinën u vështirësuan pas përjashtimit të Lorik Boshnjakut në minutën e 57’, përjashtim i cili ndikoi pozitivisht te mysafirët, të cilët arritën ta barazojnë rezultatin përmes Mendurim Hotit në minutën e 65’.
Në vazhdim të ndeshjes, përkundër orvatjeve për shënim, gola më nuk u shënuan dhe ndeshja u mbyll në barazim, rezultat i cili më tepër i konvenon Niklit, pasi që mbetet edhe më tutje lider me 4 pikë më shumë se Prishtina e Llapi.
FORMACIONET STARTUESE
| PRISHTINA: Visar Bekaj, Armend Thaqi, Leotrim Bekteshi, Ahmet Haliti, Jamal Arago, Diar Miftaraj, Lorik Boshnjaku, Ergyn Ahmeti, Meriton Korenica, Gauthier Mankenda, Alen Jasharoski. FERONIKELI: Florijan Smakiqi, Përparim Islami, Lapidar Lladrovci, Arbër Prekazi, Yll Hoxha, Met Millaku, Albert Dabiqaj, Mendurim Hoti, Jean Da Silva, Astrit Fazliu, Kastriot Rexha |
