Me Celinën, vjen fitorja e parë

Liria ka arritur fitoren e parë në pranverë. Fitorja e parë ka ardhur me trajnerin e ri të skuadrës, Erdogan Celina, që u emërua ditë më parë në vend të italianit Vincenzo Alberto Annese.

Liria mposhti si mysafire Trepçën’89 në Adem Jashari të Mitrovicës, 1-2. Fitorja e Lirisë ka qenë dramatike, pasi që golin vendimtar e shënoi Ilir Mustafa, në minutat shtesë të kohës së rregullt të ndeshjes për t’ia dhënë tre pikët e para ekipit bardhezi nga Prizreni në pranverë.

Pas pjesës së parë të përfunduar 0-0, Liria avnacoi me Liridon Fetahajn (55’), që u asistua nga Fatih Karahoda. ‘89-shi barazoi pas 20 minutash me Orgest Gavën 1-1 (74’).

TABELA AKTUALE

Më pas, ka qenë Mustafa që shënoi për fitore.

Fitorja nuk e nxjerr Lirinë nga zona e rrezikshme e Superligës, por së paku bardhezinjtë do të vazhdojnë të ndjekin luftën për të shpëtuar në Superligë përmes PlayOutit.

Sa i përket Trepçës’89, mitrovicasit kanë kapitalin e pikëve në harxhim dhe mund të rrezikohen shpejt me ri-rënie në zonën PlayOut të Superligës, nëse gabojnë sikurse sot.

FORMACIONET STARTUESE