Icardi për Lukakun

Britanikja Daily Mail në faqet sportive të saj ka bërë të ditur se Manchester United është i interesuar të ndërrojë kokë-për-kokë sulmuesin Romelu Lukaku me atë të Interit, Mauro Icardi.

Përkundër formës në ngritje nën drejtimin e Ole Gunnar Solskjaerit, Manchester United duket të jetë i interesuar për një lëvizje të tillë ka bërë të ditur gazeta.

Ndërsa në anën tjetër Interi duket se ka përfunduar gjithçka me Mauro Icardin. Sulmuesi argjentinas nuk duket të jetë në planet e neroazzurëve pas zhvillimeve të fundit dhe më parë kanë shprehur interesim për belgun gjigand, që tashmë mund edhe të realizohet.

Një gjë e tillë për momentin duket të jetë larg marrëveshjes përfundimtare. United me siguri nuk do të merrte një problematik si Icardi, tashmë kur gjakrat janë qetësuar në Old Trafford dhe gjithçka po shkon mirë.

Sidoqoftë, për këtë duhet pritur vera 2019, kur edhe lëvizjet më interesante mund të ndodhin.