Dy gola në dy minuta që vendosën ndeshjen

Në një ndeshje ku pritej që të ketë më shumë gola për shkak të nevojës së ekipeve për fitore, Drenica dhe Flamurtari kanë barazuar 1-1 për të marë nga një pikë secila skuadër nga stadiumi Bajram Aliu në Skenderaj sot.

E golat kanë ardhur brenda dy minutave. Kur Drenica dominonte në pjesë të parë, arriti golin përmes Andrews për 1-0 (29’) dhe dukej se do të shkonin drejt edhe një goli për të siguruar fitoren.

Por ndodhi e kundërta. Flamurtari i Arsim Thaçit ka reaguar menjëherë dhe duke i zënë vendasit nën ndikimin e golit të posashënuar reaguan me Egzon Krasniqin që shënoi për 1-1 (30’).

TABELA AKTUALE

Pastaj pjesa e dytë me raste ishte më e mirë për Flamurtarin. Kuqezinjtë nga kryeqyteti tentuan të marrin tre pikë nga Skenderaj. Së pari tentoi Shend Kelmendi, e më pas edhe golashënuesi më i mirë aktual i ligës, Alban Shillova, por porta e Flamur Nezirit mbeti e paprekur mëtej dhe ndeshja përfundoi me rezultatin që shënonte 1-1 nga minuta e 30 e ndeshjes.

Derisa Drenica tash ka 28 pikë dhe gjendet në pozitën e gjashtë të renditjes, Flamurtari ka një pikë më pak dhe është në pozitën e tetë, me pikë të njëjta sikurse Ballkani që është në zonën e PlayOutit.

FORMACIONET STARTUESE