Super Ferizaji nën Sokolin, e treta në katër ndeshje

Ekipi i Ferizajit ka marrë krahë në pranverë. Me ardhjen e Bylbyl Sokolit në krye të shtabit teknik ferizajasit tashmë kanë marrë edhe pikën e nëntë nga 12 të mundshmet në pranvereë.

Fitorja e tretë e Ferizajit në katër ndeshjet pranverore të zhvilluara ka ardhur sot duke e mposhtur KEK-un me rezultat të thellë në stadiumin me bar sintetik të Ferizajit, 4-1.

Dominimi i Ferizajit filloi që nga minuta e parë e ndeshjes, por goli i parë i duelit erdh befasishëm nga mysafirët.

Ishte Pleurat Hajdini i KEK-ut që shënoi për 0-1 (12’). Kjo bëri që Ferizaji të konsolidohet shpehtë dhe Burim Shabani shënoi për 1-1 (16’) dhe 2-1 (38’) para fundit të pjesës së parë.

TABELA AKTUALE

E në pjesë të dytë, kur bardhekaltërit vendasit kishin lojën nën kontrollë, mbajtën rezultatin mirë deri në fund, për të goditur edhe dy herë në minutat e fundit të ndeshjes.

Së pari Hysen Demiri shënoi për 3-1 (85’) pasi u asistua nga Arbër Mone, ndërsa krejt në fund ka qenë Durim Gashi që përcaktoi rezultatin përfundimtar për 4-1 (90’+4).

Ferizaji me këto fitore vazhdon të jetë në zonën e PlayOutit dhe po pretendon shpëtimin direkt nga rënia, derisa KEK-u tashmë është duke luajtur për prestigj në Superligë, pasi që gjasat për shpëtim, edhe ato teorike po i shuhen dalëngadalë.

FORMACIONET STARTUESE