Derbi romak pa gola

Njëri prej derbive më interesante në Itali, ai ndërmjet Lazios dhe Romas, përfundoi ‘miqësisht’.

Skuadrat i ndanë nga një pikë për vete, derisa shikuesit të cilët ishin prezent në shkallët e stadiumit olimpik për këtë përballje nuk arritën ta shijojnë gëzimin golit pasi që takimi përfundoi pa gola, 0-0.

Në portën e paprekur të Lazios edhe kësaj radhe ishte gardiani kuqezi, Etrit Berisha, derisa Lorik Cana dhe Thomas Strakosha ishin në bankën rezerve të trajnerit Eddy Reja.

Në javën e ardhshme Lazio do të jetë mysafire e Catanias, kurse Roma do ta pret Sampdorian e Shkodran Mustafit.

Rezultatet dhe tabela aktuale.