Diego Costa suspendohet

Sulmuesi spanjoll i Chelseat, Diego Costa, është suspenduar për tre ndeshje moslojë në Premier League për shkak të sjelljeve të pahijshme të tij në ndeshje të Kupës me Liverpoolin. 

Costa, edhepse nuk u pa duke i bërë gjestet e ashpëra ndaj futbollistëve të Liverpoolit, posaçërisht, ndaj Emre Can, u suspendua nga Federata, pasi që u shikua videoja e lojës. 

Kështu, ai do të mungojë në ndeshjen e rëndësishme të ekipit të tij ndaj Manchester Cityt në fundjavë dhe dy ndeshjet tjera të radhës që i luan ekipi i tij. 

Suspendimi i tij, ka qenë me efekt të menjëhershëm dhe i vlefshëm për të gjitha garat që organizohen nga Federata angleze.