Dje Barça, sot Bacca!

Real Madrid ka pësuar humbjen e dytë me radhë në La Liga. Pas humbjes së fundit kundër Barcelonës, ekipi i Carlo Ancelottit kësaj radhe u mposht në udhëtim kundër Sevillas me rezultat 2-1.

Golin e parë në ndeshje e shënoi Cristiano Ronaldo, i cili në minutën 14’ shënoi nga goditja e lirë.

Ky gol e bëri Ronaldon futbollistin me më së shumti gola të shënuara në stadiumin e Sevillas nga skuadrat kundërshtare, pasi që ky ishte goli i tetë i portugezit të shënuar në këtë stadium.

Pesë minuta pas golit të Ronaldos, u barazua rezultati në 1-1. Për këtë u përkujdes kolumbiani i Sevillas, Carlos Bacca, i cili pasi pranoi një pasim të bukur nga Antonio Reyes, arriti ta mposht portierin e madrilenëve, Diego Lopez.

I njëjti lojtar doli në skenë edhe një herë në minutën 75’. Bacca realizoi golin e dytë të tij në ndeshje dhe njëkohësisht të dytin për skuadrën e tij, duke ia shkaktuar kështu humbjen e dytë me radhë Real Madridit.

Kjo humbje e rrëzoi Realin në pozitën e tretë në tabelë, duke u tejkaluar kështu nga Atletico Madrid dhe Barcelona, të cilët i ndajnë pozitat një dhe dy.

Rezultatet dhe tabela aktuale.

Video

Ronaldo 14'

Bacca 19'