BIANCONERI
Tevez mjaftoi për fitore
26 March, 2014 @22:34
Juventus po vazhdon me lojëra të mira dhe me çka është më me rëndësi - me fitore. Skuadra e Antonio Contes sonte ka mposhtur në Juventus Arena, Parmën e papërshtatshme me rezultat 2-1.
Carlos Tevez ka qenë golashënues i dyfishtë i bianconerëve në fitoren e radhës së tyre, i cili ka shënuar dy gola brenda shtatë minutave të periudhës së minutave 25’ dhe 32’.
E tëra çka ka arritur të bëj Parma është ulja e epërsisë në 2-1 dhe përkundër se kanë pasur edhe gjysmë ore kohë për të bërë diçka më shumë, verdhekaltërit nuk e kanë arritur këtë.
Kështu Juventus ka shënuar fitoren e 26 në kampionat nga 30 ndeshje të zhvilluara. Për më tepër Zonja e Vjetër nëse vazhdon kështu do të mund të arrijë në kuotën e 100 pikëve, që në Itali - është vështirë të shihet një gjë e tillë.
Bianconerët vazhdojnë të mbajnë distancë të konsiderueshme ndaj Romës përcjellëse përkundër se deri në fund të kampionatit ka edhe 8 xhiro.
E Tevez me dygolëshin e sontëm ka arritur kuotën e 19 golave në Serie A.
Rezultatet dhe tabela aktuale.