Drejt Parisit, Messi para transferit të lirë

Mundo Deportivo sot ka bërë të ditur se babai dhe agjenti i argjentinasit Lionel Messi, Jorge, nuk do të udhëtojë drejt Parisit, edhe pse në orët e ardhshme pritet të bëhet marrëveshje me klubin francez.

“Paris St Germain dëshiron që të nënshkruajë me Lionel Messin kontratë 2+1 vjeçare,” ka bërë të ditur gazeta në fjalë.

Vëllau i pronarit të parisienëve në Twitter dje ka bërë të ditur se marrëveshje mes PSG dhe Messi është arritur, ndërsa pritet të ndodhë zyrtarizimi.

MD në anën tjetër ka kuptuar se prezentimi madhështor i Messit pritet të ndodhë të martën tjetër.

L’Equipe ndërkaq, ka bërë të ditur se Leo do të ketë rrogë 40 milionë euro në vjet, si dhe transfer-bonus prej 30 milionë eurove.