CAKTOHET TERMINI
Nga përballja e mëhershme ndërmjet Ferronikelit dhe Drenicës/ BOROZANI/ D.S.
Drenica-Ferronikeli, në fundjavë
11 November, 2015 @10:19
Vetëm një ditë pas ndeshjes miqësore Kosova-Shqipëria, zhvillohet derbi drenicak ndërmjet Drenicës dhe Ferronikelit, ka bërë të ditur FFK-ja sot, duke publikuar orarin e xhiros së radhës në elitën e futbollit tonë.
Lideri Ferronikeli do të udhëtojë në Skenderaj për t’u përballur me Drenicën, të cilën e kishte mposhtur në përballjen e parë të stinorit në Superligë 2-1.
Ferronikeli është lider i Superligës dhe kërkon që të përfundojë vjeshtën si kampion. Ndërsa Drenica do të kërkojë të shkëpusë çkado që mundet nga kjo përballje për shkak të pozitës që kërkon siguri në klasifikim.
Të gjitha ndeshjet tjera të xhiros XV zhvillohen të mërkuren që vjen, përveç Gjilani-Hajvalia që luhet të marten.
