Drenica mposht edhe Prishtinën, bashkëkryeson tabelën

Bashkëkryesuese e Superligës së Kosovës për momentin është Drenica nga Skenderaj. Futbollistët e drejtuar nga trajnerit Tahir Lushtaku kanë fituar duelin e madh ndaj Prishtinës sot në Bajram Aliu 2-1 [Denisson 10, Baton Zabërgja 64 - Oto John 74].

Kjo ka qenë fitorja e dytë e Drenicës këtë stinor, ndërsa ekipi po vazhdon stinorin pa humbje. E sot në Bajram Aliu ra edhe kampionja aktuale, që prej minutës së 38 të ndeshjes luajti me një lojtar më pak, pasi që Erando Karabeci u ndëshkua me karton të kuq.

TABELA AKTUALE

Kur në fillim të pjesës së dytë Baton Zabërgja shtoi epërsinë e drenicakëve rikthimi u bë edhe më i vështirë për mysafirët, që arritën të shënonin përmes Otto Johnit për përfundimtaren 2-1, kurse deri në fund Drenica u mbrojt mirë për të kapur trepikëshin e radhës për ekipin.

Me fitore, Drenica kap ekipet që kryesojnë klasifikimin me shtatë pikë momentalisht, ndërsa Prishtina edhe pas tri xhirove të para të stinorit nuk ka shënuar fitore.