Drita, e sigurtë ndaj Ferizajit

Skuadra gjilanase, Drita, ka arritur që të shënojë fitore të merituar sot duke e mposhtur Ferizajin, 3-0. 

Ekipi i Agron Selmanit ka marrë epërsinë heret në takim me anë të Alban Rexhepit, derisa Ferizaji rastin ideal s’e kishte shënuar kur Betim Haxhimusa u ndal nga portieri i gjilanasve - në rastin ballëpërballë në minutën e 10 të takimit. 

E në pjeën e dytë bardhekaltërit vendas morrën një inicativë dhe nëpërmjet disa kundërsulmeve edhe shënuan. 

Së pari ka qenë Florim Berisha që shënoi për 2-0, derisa krejt në fund, në minutat shtesë të takimit, Ardian Limani vulosi fatin e takimit. 

Kjo ka qenë fitorja e parë e Dritës, që nga xhiroja e parë kur patën mposhtur Llamkos Kosovën dhe e dyta në përgjithësi, derisa Ferizaji i është kthyer disfatave, duke e regjistruar të tretën e stinorit. 

REZULTATET, TABELA DHE NDESHJET E RADHËS