MIQËSORE
Drita mposhtet në miqësoren e parë, trajneri provon dy lojtarë
28 January, 2021 @16:33
Skuadra e Dritës ka pësuar humbje në ndeshjen e parë kontrolluese në Antalya të Turqisë.
Gjilanasit u mposhtën nga ekipi i fortë rus, Nizhny Novgorod, me rezultat 0-2. Që të dy golat e ekipit kundërshtar u shënuan në pjesën e parë.
Për Dritën në këtë ndeshje luajtën edhe dy futbollistët Esosa Priestley Irogue dhe Henry Onoka Austine, të cilët janë në fazë provuese, derisa për shkak të lëndimeve munguan Faton Maloku, Ardian Cuculi, Fidan Gërbeshi dhe Valmir Azemi.
Ekipi Nizhny është lider i kategorisë së dytë të Rusisë dhe pretendenti kryesor për t’u inkuadruar në ligën elite ruse.
Drita në ndeshjen e radhës do të luajë kundër skuadrës Chayka më 30 janar. Kjo e fundit e kishte mposhtur Prishtinën me rezultat minimal 1-0 në ndeshjen e zhvilluar dy ditë më parë.
