MIQËSORE
Ballkani mposhtë skuadrën nga elita bullgare
28 January, 2021 @16:02
Skuadra e Ballkanit ka shënuar një tjetër fitore në ndeshjen kontrolluese që u zhvillua sot në Antalya të Turqisë.
Ekipi i udhëhequr nga Bledi Shkëmbi kësaj radhe e mposhti skuadrën Montana nga liga elite e Bullgarisë, duke shënuar fitore me rezultat 3-1.
Golashënues për suharekasit ishin Ermal Krasniqi, që shënoi dy herë, dhe Arbër Hoxha, ndërsa në anën tjetër për bullgarët realizator i vetëm ishte Toni Tasev.
Kjo ishte ndeshja e katërt kontrolluese për Ballkanin pas përballjeve ndaj Vorsklas, CSKA Moskës U21, Jagiellonia.
