TREPÇA'89
Duraku zëvendëson Prekazin
29 September, 2014 @12:19
Vetëm dy ditë pas dorëheqjes së Rafet Prekazit nga posti i trajnerit të Trepçës’89, ekipi mitrovicas ka gjetur si zëvendësim, Fahredin Durakun.
Njoftimin e kanë bërë të ditur drejtuesit e klubit në faqen zyrtare të ekipit në Facebook, derisa Duraku ka udhëhequr këtë ekip edhe më parë.
Prekazi kishte dhënë dorëheqje në ditën e ndeshjes së mitrovicasve me Llamkos Kosovën, ende pa u nisur për Vushtrri. Drejtuesit e klubit kishin vendosur që ekipin në këtë ndeshje ta udhëheq drejtori sportiv, Veton Çitaku, derisa tashmë Duraku do të merr timonin e skuadrës.
Trepça’89 është aktualisht në pozitën e katërt të tabelës së klasifikimit, ku ka mbledhur 10 pikë deri më tani.
Në javën që vjen, mitrovicasit me trajner të ri do të presin liderin e Superligës, Hajvalinë në Riza Lushta.
