Dy përmbysje dhe një fitore e Juventusit në ‘Derby d’Italia’

Një nga ndeshjet më dramatike të sezonit në Serie A u zhvillua sonte në ‘Stadio Giuseppe Meazza’.

Interi dhe Juventusi, dy rivalët e kahmotshëm, e filluan takimin me synimin e vetëm fitoren. Njëra skuadër në luftë për top4 e tjetra për titull luftuan shumë përgjatë 90 minutave, e në fund fitores iu gëzuan torinezët, fitorja e të cilëve erdhi nga goli i argjentinasit Higuain në minutën e 89’ të ndeshjes.

TABELA AKTUALE SERIE A

Ndeshja filloi keq për vendasit, të cilët e gjetën veten me një lojtar më pak dhe në disavantazh 0-1 qysh pas 15 minutave, mirëpo zikaltërit nuk u dorëzuan dhe përmbysën gjithçka në 2-1, para se mysafirët të reagonin në minutat 87’ dhe 89’ për përmbysjen 2-3.

Kjo humbje ia komplikon edhe më tepër gjasat Interit për një vend në top4, kurse Juventusi arrin fitore të madhe në luftën për titull dhe bën që presion të bie te Napoli, që ndeshjen e vet e luan nesër në udhëtim te Fiorentina.