E ardhmja e Moratës në duart e Juves

E ardhmja e Alvaro Morata synon të jetë një nga telenovelat e verës së ardhshme.

Në huazim te Juventus këtë sezon, sulmuesi është në duart e italianëve që t`ia zgjasin huazimin edhe një sezon (10 milion euro) ose të paguajnë opsionin e blerjes, me çmim 45 milion euro.

Dy opsione që duken të logjikshme me performancën e sulmuesit me rikthimin e tij në Torino. 16 gola dhe 12 asistime tregojnë për një sezon në një nivel të mirë për spanjollin.

Pavarësisht nga ky fakt, thuhet se Juventusi nuk do të vazhdojë huazimin e ri ose pagimin e asaj klauzole për të qëndruar me sulmuesin.

Arsyeja, problemet financiare të ekipit që po bën një nga sezonet e tij më të këqija në shumë vite.

Fjalët e Moratës në një nga angazhimet e fundit me ekipin kombëtar, jepnin sinjale që ai nuk do të kthehet te Atletico Madrid.

“Ka raste kur mendimi ynë në futboll nuk vlen shumë. Duhet të jesh në vendin ku të duan dhe vlerësojnë ...” kishte thënë Morata.