E nënta radhazi në 40 ditëshin e fundit

Arsenal nuk ka të ndalur në këto 40 ditët e fundit. Ekipi i Unai Emeryt pas humbjeve nga City dhe Chelsea në Premier Ligë, ka kapur serinë e jashtëzakonshme të fitoreve në të gjitha garat, e sot e arriti të nëntën me radhë që nga 25 gushti.

TABELA AKTUALE

Viktimë e radhës për topxhinjtë ka qenë Fulham, që u mposht në Craven Cottage 1-5, ku Alex Lacazette shënoi dy (29’, 49’) Aaron Ramsey një (67’) dhe Pierre-Emerick Aubameyang dy të tjera (70’, 91’) për përfundimtaren 1-5. Për Fulhamin Andreas Schurrle kishte barazuar në 1-1 (44’), por kaq kishin vendasit sot.

Shkodran Mustafi dhe Granit Xhaka luajtën për 90 minuta sot, duke mos marrë asnjëri karton në takim, ndërsa Arsenali me këtë fitore ngritet në pozitën e tretë të klasifikimit përkohësisht.