DRITA - LIRIA
E para e Munishit, Drita fiton pas 3 muajve
20 November, 2016 @15:02
Një gol i Gilberto Fortunatos në minutën e 67’ ishte i mjaftueshëm që Drita ta fitojë takimin e luajtur në Gjilan ndaj Lirisë së Prizrenit.
Kjo fitore ishte e para për trajnerin Ismet Munishi që nga emërimi i tij si kryetrajner i klubit gjilanas, me detyrën kryesore që ta shpëtojë Dritën nga rënia në Ligën e Parë.
Duhet përmendur që kjo ishte fitorja e parë e Dritës në terrenin vendas sivjet dhe e dyta në përgjithësi. Fitorja e parë daton më 21 gusht në xhiron e parë të Superligës, në takimin ndaj Trepçës në Mitrovicë.
Xhiron e ardhshme, Drita i shkon Hajvalisë, ndërsa Liria e pret Llapin në Prizren.
