Edhe Bernardeschi pozitiv me covid

Federico Bernardeschi është lojtari i shtatë i kombëtares italiane që rezulton pozitiv me covid, duke përfshirë edhe pesë anëtarë të stafit trajnues.

Juventus do luajë kundër Napolit pa Bernardeschi, Bonucci dhe Demiral.

Shpërthimi i covidit në ekipin kombëtar italian vazhdon të zgjatet. Këtë mëngjes Juventusi zyrtarizoi se Federico Bernardeschi doli pozitiv me Covid, i cili bashkohet me Bonucci, Verratti, Cragno, Grifo, Florenzi, Sirigu dhe pesë anëtarëve të stafit stërvitor të Roberto Mancini.

Është një lajm tjetër i keq për juventinët që nesër, kanë një përballje vendimtare me Napolin.

Ndeshja do të luhet pa anësorin, mbrojtësin italian dhe as Demiral, të gjithë pozitiv me virus.

Juventusi do të përballet me Napolin nesër në orën 18:45.