Edhe Kasapi te Trepça 89

Skuadra mitrovicase, Trepça 89, ka vazhduar të përforcohet me futbollistë cilësor këtë verë. 

Së fundi, përforcimi më i ri i ‘minatorëve’ është Fetim Kasapi që vjen nga Besa e Pejës.

Mesfushori 30 vjeçar që ka bërë karrierë edhe në Kategorinë Superiore të Shqipërisë me Vllazninë e Shkodrës si dhe në Mal të Zi me Mornarin e Tivarit dhe Çelikun, me përvojën e tij do t’i ndihmojë nënkampionit që eventualisht të arrijnë titullin e kampionit. 

Trepça 89 në xhiron e parë të Superligës së Kosovës, do të ndeshet me Ferronikelin këtë fundjavë. Besa është në krizë financiare prej se e ka braktisur sponsori klubin dhe përveç trajnerit dhe futbollistëve, askush tjetër nuk po paraqitet në klub!