Edhe Lazio eliminohet

​Me avantazhin e lehtë që kishin nga ndeshja e parë, u mendua që Lazio mund të ishte e vetmja skuadër italiane që do të arrinte çerekfinalet në njëren nga garat evropiane këtë sezon, mirëpo kjo nuk ndodhi. Skuadra nga Roma u eliminua nga çekët e Sparta Pragës me rezultat 0-3 në “Olimpico”, duke bërë që asnjë skuadër italiane të mos kalojë fazën e 1/8 në Evropë sivjet.

Me golat e Dockal, Krejci e Julis, çekët e Sparta Pragës e kryen punën që në pjesën e parë, me pjesën e dytë që kaloi pa asnjë gol të shënuar.

Kështu, me Juventusin e eliminuar mbrëmë dhe me Lazion e eliminuar sonte, Serie A do të ketë të paktën edhe për 2 vitet e ardhshme vetëm 3 skuadra që kualifikohen për në Champions League, 2 direkt dhe 1 me play-off.