KOHA PËR NDRYSHIME
Edhe nëse e fiton titullin e Evropës, s’vazhdon
9 March, 2021 @11:40
Joachim Low, selektor i Gjermanisë, nuk do të jetë në krye të skuadrës në momentin që përfundon EURO 2020, që mbahet këtë verë.
Njoftimin e kanë zyrtarizuar nga Federata gjermane dhe e kanë përcjellë të gjitha mediat sot në mëngjes, derisa Loë kishte fituar titullin e Botës në vitin 2014 në Brazil.
Ai gjithashtu ka fituar Kupën e Konfederatave në vitin 2017 me Gjermaninë, ndërsa ka arritur finalen e EURO 2008.
“Po e marr këtë vendim me plotë vetëdije, plotë nder e krenari për punën e bërë bashkë, por në anën tjetër edhe me motivim për Kampionatin Evropian të radhës,” ka thënë Low në njoftimin e tij për largim nga posti.
Jogi, siç thirret shkurt ai, ka marrë këtë detyrë në vitin 2006 dhe pas afro 15 vitesh të plota po largohet nga posti i tij.
Gjermania në secilin kampionat ka qenë ndër favoritët e garës, por dëshpërimi i madh në Botërorin e fundit, kur s’i kaluan grupet në Rusia 2018, bëri që të rriten kritikat dhe të vihet në pyetje mundësia e tij për sukseset e radhës.
Gjermania në Botërorin e fundit kishte përfunduar Grupin F në pozitën e fundit, pas Suedisë, Meksikës dhe Koresë Jugore.
