Të gjitha lajmet
Tabelat dhe Rezultatet

LUKA MODRIC

Edhe një sezon me yllin kroat

Edhe një sezon me yllin kroat


18 April, 2021 @11:37

Luka Modric ka rënë dakord me Real Madridin për rinovim të kontratës që do të mbajë kroatin deri në 2022 në ekip por, vetëm njoftimi zyrtar mungon.

Performanca e shkëlqyer që ai po kalon këtë sezon ka bindur ekipin që të vazhdojnë kontratën të paktën edhe një sezon.

Modric, ka qenë gjithmonë i gatshëm të vazhdojë karrierën e tij me madrilenët.

Ai e ka demonstruar këtë duke pranuar uljen e pagës që klubi i ka propozuar atij për të zgjidhur problemet ekonomike që ka krijuar pandemia.

Me këtë rinovim, është konfirmuar që 35-vjeçari do të luajë sezonin e tij të dhjetë në Madrid .

Që nga ardhja e tij në 2012 nga Tottenham (35 milion euro), ai ka fituar zemrat e tifozëve me lojën e tij.

Në gjithsej 383 ndeshje me Real Madridin ai ka shënuar 26 gola dhe ka dhënë 61 asistime .

Kroati në Madrid ka fituar katër Liga të Kampionëve, dy La Liga, tre Super Kupa të Evropës, një Kupë të Mbretit, tre Super Kupa të Spanjës dhe katër Botërore të Klubeve.

Nuk i kanë munguar as çmimet për performancën individuale, ku në vitin 2018 fitoi trofeun FIFA The Best Player dhe Topin e Artë pasi ishte kampion Evrope me Real Madridin dhe nënkampion bote me Kroacinë.


 
Të gjitha lajmet nga La Liga