Edhe Ryan Babel në Turqi

Superliga turke është bërë një lloj ‘xhenneti’ për futbollistët që po kërkojnë ringritje në karrierë. 

Kështu, pas transferimeve të bujshme në stinorin e kaluar, skuadrat e Superligës turke kanë vazhduar me transferimin e lojtarëve me emër në Europë. 

Pas Sebastian Frey dhe Florent Malouda, në Turqi ka arritur edhe ish futbollisti i Liverpoolit dhe Ajaxit, Ryan Babel. 

Babel është shprehur i kënaqur me marrëveshjen e arritur me klubin e tij të ri Kasimpasa dhe ka premtuar se skuadra e tij më do të kërkojë një pozitë përmbi vendin e gjashtë, ku pat përfunduar në stinorin 2012/13. 

Ryan Babel 26 vjeçar karrierën e ka filluar në Ajax si profesionist në vitin 2005, ndërsa prej aty ka kaluar katër stinor, jo të bujshëm, në Liverpool, pastaj tre të tjerë në Hoffenheim të Gjermanisë, prej nga iu kthye Ajaxit në stinorin e kaluar 2012/13. Ai në stinorin e ri do të vesh fanellën e skuadrës turke Kasimpasa.