Fener-Galata në xhiron e 11.

Në shortin e tërhequr sot për stinorin e ri të Superligës turke që fillon më 17 gusht, do të ketë derbi që në xhiron e parë ku takohen Besiktas-Trabzonspor. 

Derbi i madh turk ndërmjet rivalëve të përbetuar nga Stambolli, Fenerbahçe-Galatasaray, është caktuar të luhet në xhiron e 11-të të stinorit 2013/14.

Përveç këtyre, Besiktas-Galatasaray takohen në xhiron e pestë, pastaj Fenerbahçe-Trabzonspor në xhiron e shtatë, derisa Fenerbahçe-Besiktas dhe Galatasaray-Trabzonspor takohen në xhirot, 13-të respektivisht 16-të. 

Kampion aktual i Turqisë është Galatasaray nga Stambolli. Kurse dy skuadrat tjera të mëdha nga Stambolli, Fenerbahçe dhe Besiktas, janë dënuar nga UEFA-ja për mospjesëmarrje në garat europiane për shkak të dyshimeve për kurdisje ndeshjesh.