Fellaini, mungon 2 muaj

Mesfushori belg i transferuar në ditët e fundit të afatit kalimtar veror te Manchester United, Marouane Fellaini, është operuar nga dora e tij dhe për këtë arsye do të mungojë në dy muajt e ardhshëm. 

David Moyes e ka ditur lëndimin e Fellainit, por lojtari deri vonë nuk kishte dashur të operohet para Kampionatit Botëror, Brazili 2014. Mirëpo, pas diskutimeve të shumta është vendosur që belgu me flokë të mëdha, siç njihet Fellaini, të futet nën thikë. 

Kështu, sipas informatave nga faqja zyrtare e klubit kampion në fuqi të Anglisë, Fellaini pritet të jetë gati tek për ndeshjen e Manchester Unitedit me Olympiacosin në kuadër të Ligës së Kampionëve. 

Fellaini kishte ardhur për afërsisht 35 milionë euro nga Evertoni gjatë verës në Manchester United.