Festival golash, Fiorentina përmbys Interin

Ishim dëshmitarë të një prej ndeshjeve më të bukura të sezonit në Serie A!

Fiorentina dhe Interi dhuruan spektakël me plot 9 gola të shënuara, me 2 përmbysje të rezultatit dhe me një penallti të humbur, e në fund fitores iu gëzuan vendasit, duke e mbyllur ndeshjen me fitore 5-4.

Pjesa e parë u mbyll 1-2 në të mirë të Interit, skuadër kjo që e përmbysi epërsinë 1-0 të vendasve. Mirëpo, përmbysja e madhe ndodhi në pjesën e dytë. Ishte Fiorentina ajo që shënoi plot 4 herë për 20 minuta në pjesën e dytë, për të krijuar epërsi 5-2. Para këtyre 4 golave, skuadra nga Firenca e shpërdoroi edhe një penallti përmes Bernardeschit.

Në minutat e fundit të takimit, emocionet e fundit i dhuroi Mauro Icardi, i cili shënoi 2 herë për ta ngushtuar rezultatin në 5-4, mirëpo për një barazim eventual ishte tejet vonë dhe ndeshja u mbyll me rezultat 5-4, rezultat ky që ia zvogëlon gjithnjë e më tepër gjasat për arritjen e synimeve sezonale Interit të Piolit.

TABELA AKTUALE SERIE A

All Goals & highlights - Fiorentina 5-4 Inter… by goalsarena2017