Finlanda fton Hetemajn për ndeshjet e radhës

Përparim Hetemaj është përfshirë në listën prej 22 lojtarëve të ftuar nga përfaqësuesja e Finlandës për ndeshjet e muajit tetor.

Përzgjedhësi i Finlandës, Hans Backe, ka ftuar edhe Përparim Hetemajn, i cili në ndeshjen e kaluar nuk kishte luajtur për Finlandën, pasi nuk dëshironte të luante kundër Kosovës.

Hetemaj kohëve të fundit ishte përmendur shpesh me Kosovën, për një kalim të mundshëm të tij te përfaqësuesja jonë, mirëpo lista e publikuar sot nga Finlanda, i ka minimizuar shpresat që ai ta vesh fanellën kosovare.

Finlanda më 6 tetor do të luajë kundër Islandës, ndërsa tre ditë më pas do të përballet me Kroacinë.