Fiorentina fiton goleadën

Java e re e xhiros së XIV ka sjellur goleadë në Serie A. Fiorentina e Vincenzo Montellas ka arritur t’i kthehet fitoreve pas barazimit me Udinesen dhe ndeshjes jo të mirë në Europa League ndaj Paços Ferreiras. 

Borja Valero ka vënë sot shiritin e kapitenit, derisa në tribuna të Artemio Franchit qëndronte legjenda e klubit, sulmuesi argjentinas, Gabriel Batistuta. 

Spanjolli Valero shënoi menjëherë për 1-0, por edhe më shpejtë barazuan dhe kaluan në epërsi mysafirët e qytetit të Romeos e Xhulietës. E valero barazoi përsëri. 

Këto katër gola hynë për 14 minuta dhe derisa pritej që pjesa e parë të përfundonte me barazim 2-2, kiliani vjollcë, Juan Vargas ndërroi rezultatin në semafor duke shënuar për 3-2. 

Në pjesën e dytë Giuseppe Rossi nga penalltia sikur siguroi fitoren e ekipit vjollcë, por Jorginho i Veronës, 20 minuta para fundit uli epërsinë në 4-3 për t’i dhënë fund dramatik ndeshjes - edhe pse më nuk kishte gola. 

Me këtë fitore, Fiorentina del në vendin e pestë të tabelës së Serie A, me pikë të njejta si Interi që është i katërti, derisa Verona mbetet në vendin e gjashtë përkundër humbjes.