Llorente për lidership

Ish sulmuesi i Athletic Bilbaos, Fernando Llorente, ka shënuar me kokë në minutën e parë shtesë të takimit për t’ia sjellur ekipit të tij fitoren minimale, por tepër të rëndësishme. 

Juventus me golin e Llorentes u bë lider i pastër në Serie A, për herë të parë nga fillimi i stinorit duke pasur për herë të parë 3 pikë epërsi ndaj Romës, e cila barazoi sot në Bergamo. 

Takimi ka qenë interesant, derisa raste ka pasur në të dy anët ku portierët Gianluigi Buffon dhe Zeljko Brkic kanë mbrojtur shumicën. 

Fitorja e madhe e bianconerëve ka bërë për herë të parë Juventusin lider pas serisë perfekte të Romës dhe si duket ekipi i Antonio Contes po vazhdon rrugëtimin drejt Scudettos së radhës, pasi që juventinët kur dalin njëherë në krye të tabelës, vështirë që zbresin poshtë. 

Rezultatet dhe tabela aktuale.