Fiton në “Selhurst Park”, pret ‘favor’ nga Chelsea

Vazhdon lufta tejet e fortë për titullin e kampionit në Premier League!

Skuadra e Manchester Cityt ka shënuar fitore 1-3 ndaj Crystal Palacet në Londër sot, për t’u rikthyer në krye të klasifikimit dhe për të pritur një ‘favor’ nga Chelsea, i cili sot i shkon Liverpoolit në ‘Anfield Road’ me fillim nga ora 17:30.

TABELA AKTUALE

Fitorja e Cityt nuk ishte në dyshim për rreth 80 minuta, ndërkohë një gol i Milivojevic nga gjuajtja e lirë bëri që rezultati të ngushtohej, mirëpo kampioni në fuqi i Anglisë e menaxhoi mirë pjesën e mbetur të ndeshjes, madje shënoi edhe për 1-3, për ta mbyllur ndeshjen me pikë të plota.

Paraqitje fenomenale individuale për Cityn sot zhvilloi Raheem Sterling, favoriti kryesor për çmimin “Lojtari i Vitit” në Premier League, i cili shënoi dy herë. Goli tjetër i “qytetarëve” u shënua nga Gabriel Jesus, i inkuadruar nga banka rezervë.