KROACIA
Fitore bindëse për shpresë
19 June, 2014 @8:28
Përfaqësuesja kroate me lojë bindëse ka arritur që të shënojë fitore ndaj Kamerunit të ç‘orientuar dhe me shumë probleme brenda në ekip.
‘Vatreni’ kanë mposhtur 4-0 afrikanët të cilët luajtën mirë vetëm në 5 minutat e para të takimit, prej kur kroatët marrin kontrollin e lojës dhe pas shënimit të golit të parë nga Ivica Olic, pritej të kuptohej vetëm rezultati përfudimtar i ndeshjes.
Me këtë fitore, Kroacia mban gjallë shpresat për kualifikim dhe tashmë e ka mendjen te ndeshja e fundit e grup, ku duhet mposhtur Meksikon për të arritur të tetën e finales.
Në anën tjetër Kameruni është eliminuar nga Brazili 2014 dhe pas Australisë e Spanjës, bëhet skuadra e tretë që pas një ndeshjeje të radhës duhet të mbledhë valixhet për në shtëpi.
Kameruni kishte probleme të shumta. Ndër kryesoret ka qenë ai ndërmjet futbollistëve dhe Federatës, që kishte borxhe ndaj lojtarëve. Mirëpo, mbrëmë është vërejtur edhe mosdisciplinë e madhe, ku lojtarët kapeshin me njëri-tjetrin.
