REAL MADRID - GIRONA
Fitore historike nga Girona, Reali turpërohet në shtëpi
17 February, 2019 @14:45
Girona e mposhti gjigandin spanjoll Real Madridin si mysafire me rezultat 1-2.
Real Madridi që nga minuta e 25’, kaloi në epërsi me Casemiron, por në pjesën e dytë të ndeshjes me shënimin nga pika e bardhë të Christian Stuanit (65’) dhe të Portus (75’), e përjetoi humbjen e parë në histori të La Ligas në shtëpi kundër Gironës.
Me kartonin e kuq që e mori sot, Ramos bëhet lojtari me më së shumti përjashtime në histori të La Ligas me gjithsej 20 kartonë të kuq në këtë garë.
Dallimi me Barcelonën përsëri ngritet në nëntë pikë, derisa për Gironan kjo ishte fitorja e gjashtë e stinorit.
