FERIZAJI - TREPÇA 89'
Genc Hamiti i sjell fitore shpresëdhënëse Ferizajit
16 February, 2019 @15:42
Genc Hamiti me dy golat e shpejt të shënuar në fillim të ndeshjes (12’ dhe 14’) i ka sjellë fitoren tepër të rëndësishme Ferizajit në duel ndaj Trepçës’89, 2-0.
Me këtë rezultat ndeshja vazhdoi deri në fund, përkundër tentimeve të mitrovicasve për të bërë diçka më shumë në ndeshje.
Ferizaji nën drejtimin e Bylbyl Sokolit dhe me kryesi të re ka shfaqur shenja këndelljeje, dhe medoemos po kërkon shpëtimin e stinorit në Superligë.
Në xhiron e radhës, Ferizaji udhëton në Skenderaj për ndeshje ndaj Drenicës. Ndërsa Trepça’89 do të ketë mysafir kampionin aktual, Dritën.
FORMACIONET STARTUESE
| Ferizaj: Blakqori, Shosha, Shabani, Kuka, Çerkini, Dautaj, Shabani, Shala, Gashi, Hamiti, Aliu. Trepça ’89: Beqiri, Pira, Asare, Basriu, Mersini, Maloku, Jashari, Hoti, Hyseni, Rusi, Diawara. |
