TEUTA - KUKËSI
Foto: KFTeuta/fb
Shkëmbi ngrit Teutën në vend të dytë
16 February, 2019 @10:59
Fitore të madhe në derbi ndaj rivalit direkt dhe Teuta kap vendin e dytë në Superiore pas 22 xhirosh, ndërsa objektivi mbetet i njëjtë: garat evropiane.
Kukësi kishte marrë epërsinë në Niko Dovana të Durrësit në pjesë të parë, por tre minuta magjike në pjeë të dytë dhe erdhën golat e fitores përmes Gerhard Prognit dhe Renato Arapit.
E si shllag në tortë, ishte mbrojtja e portierit Isli Hidi, që ndali penalltinë për të mbajtur pikët e plota në shtëpi. Nga penalltia për kukësianët dështoi Willian Cordeiro. Kjo ishte humbja e dytë radhazi për Kukësin e Armando Cungut.
