Befasi në Bjellorusi, mposhtet Arsenali

Në ndeshjen e luajtur në Bjellorusi në kuadër të 1/16 së finales në Europa League, Arsenali u mposht befasisht nga skuadra e BATE Borisov me rezultat 1-0.

Goli i vendasve erdhi në fundin e pjesës së parë, ndërsa Arsenali në vazhdim të ndeshjes nuk arriti të shënojë, duke bërë që ndeshja të mbyllej me fitore minimale të vendasve.

Pak para fundit të ndeshjes me karton të kuq te Arsenali u përjashtua francezi Lacazette, i cili do t’i mungojë londinezëve në ndeshjen e kthimit javën e ardhshme, ku për kualifikim Arsenalit i duhet një fitore me 2 gola epërsi.

Edhe Mustafi, edhe Xhaka, ishin startues për Arsenalin në këtë përballje, ndërsa ky i dyti takimin e mbylli ‘i zverdhur’.