Vendos të largohet

“Napoli përqafon Marek Hamsikun dhe i falenderon për 12 vitet e mrekullueshme të kaluara bashkë, të karakterizuara me dedikim dhe ndjenjë të përkatësisë për fanellën napolitane,” ka shkruar njoftimi i Napolit, që ka zyrtarizuar largimin e mesfushorit ofanziv sllovak nga ekipi.

Napoli ka bërë të ditur se ekipi i ri i Hamsikut është Dalian Yifang i Kinës, ndërsa ekipi i Serie A-së do të përfitojë 20 milionë euro nga transferi i tij.

Hamsik mban rekordin e golave të shënuara për Napolin, duke e kaluar Diego Maradonën në këtë aspekt, dhe është lider në paraqitje me fanellën e napolitanëve, duke regjistruar 520 paraqitje zyrtare.

Marek 31 vjeç kishte ardhur te Napoli në verë të vitit 2007 nga Brescia. Ai për Napolin shënoi 121 gola dhe 111 asistime.