MANCHESTER UNITED - PARIS ST GERMAIN
Fotot: uefa.com
Parisienët zbresin Unitedin në tokë
12 February, 2019 @22:52
Paris St Germain me lojën e treguar në pjesë të dytë të ndeshjes në Old Trafford, ka arritur që të mposht Manchester Unitedin 0-2 sonte.
Me këtë fitore dhe me ndeshjen e radhës që luhet më 6 mars në Parc des Princes të Parisit, United do të ketë tepër të vështirë rikthimin dhe eliminimi i tyre duket afër.
Ndër më të dalluarit në fitoren e parisienëve të drejtuar nga gjermani Thomas Tuchel ka qenë argjentinasi Angel Di Maria, që dy herë asistoi në golat e PSG-së.
Paris St Germain nuk kishte në dispozicion dy nga treshja e rrezikshme [Cavani, Neymar, Mbappe] e sulmit dhe lehtësisht mposhti Unitedin, që pësoi për herë të parë që prej ardhjes së Ole Gunnar Solskjaerit në ekip.
Mungesë e madhe dhe humbje e shpresave për Manchesterin në ndeshjen e kthimit do të jetë Paul Pogba, që në fund të ndeshjes mori kartonin e dytë të verdhë, për t’i lënë shokët në 5 minutat shtesë të takimit pa shpresë dhe njashtu edhe në ndeshjen e kthimit.
