Fitore, pas 4 xhirove

Sulmuesi anglez Danny Welbeck shënoi dy herë, derisa Darren Fletcher u paraqit për herë të parë këtë vit me fanellën e Manchester Unitedit në fitoren prej 3-0 në Villa Part të Birminghamit ndaj Aston Villës. 

Vendasit ia nisën mirë ndeshjes, por dygolëshi i shpejtë i Welbeckut (15’ dhe 18’) ua preu këmbët. Tom Cleverly shënoi golin e parë në vitin 2013 pas pasimit të Wayne Rooney për të përcaktuar rezultatin përfundimtar të ndeshjes 3-0. 

Kjo ka qenë fitorja e parë për Manchester Unitedin e David Moyesit pas katër xhirove në Premier League. Kosovari Adnan Januzaj është paraqitur në formacionin bazë të Manchesterit sot, derisa në një rast ka goditur edhe shtyllën e kundërshtarit. Januzaj u zëvendësua në minutën e 70-të të takimit nga anglezi Ashley Young. 

Manchester United me këtë fitore zë vendin e tetë të Premier League, me 10 pikë më pak se Arsenali që është lider. 

Rezultatet dhe tabela aktuale.